လက်စတာနည်းပြသစ်ကလော်ဒီပေါလ်ဟာပီအက်ဂျီတောင်ပံတိုက်စစ်ကစားသမားဖြစ်သူဘန်အာဖာကိုခေါ်ယူဖို့စိတ်ဝင်စားနေတယ်လို့သိရပါတယ်။
ဘန်အာဖာလက်ရှိအချိန်မှာပီအက်ဂျီနည်းပြအူနိုင်းအမ်မရီနဲ့ဆက်ဆံရေးအဆင်မပြေတာကြောင့်ပွဲထွက်ခွင့်ပျောက်ဆုံးနေပါတယ်။
ပြီးခဲ့တဲ့ဗုဒ္ဓဟူးနေ့ကခရိတ်ရှိတ်စပီယားရဲ့လက်စတာနည်းပြရာထူးကိုဆက်ခံခဲ့တဲ့ပေါလ်ဟာ၎င်းနဲ့နိစ်အသင်းမှာကောင်းစွာအတူလက်တွဲခဲ့ဖူးတဲ့ဘန်အာဖာကိုလာမည့်ဇန်န၀ါရီမှာကင်းပါဝါထံခေါ်ယူရန်စိတ်အားထက်သန်နေပါတယ်။
နိစ်အသင်းနဲ့နီးစပ်သူတစ်ဦးက “သူတို့နှစ်ဦးဟာအရမ်းရင်းနှီးကြပါတယ်။ ကလော်ဒီပေါလ်ဟာ ဘန်အာဖာကိုပီအက်ဂျီမှာရုန်းကန်နေရတာကိုမြင်ရတာကိုစိတ်မကောင်းဖြစ်နေပါတယ်။ သူဟာဘန်အာဖာနဲ့အလုပ်ထပ်ပြီးအတူတွဲလုပ်ချင်နေပါတယ်။” လို့ပြောသွားပါတယ်။
ဘန်အာဖာဟာကလော်ဒီပေါလ်နဲ့လက်တွဲစဉ်ကအကောင်းဆုံးရာသီတစ်ခုကိုပိုင်ဆိုင်ခဲ့ပြီး ၃၇ပွဲမှာ၁၈ဂိုးထိသွင်းယူကာအကောင်းဆုံးခြေစွမ်းပြခဲ့ပြီးနောက်နှစ်မှာပဲပီအက်ဂျီထံပြောင်းသွားခဲ့တာဖြစ်ပါတယ်။
သို့ပေမယ့်လည်းဘန်အာဖာဟာပီအက်ဂျီမှာ၉ပွဲသာပွဲထွက်ခွင့်ရရှိခဲ့ပြီးမကြာသေးမီကအရန်အသင်းကိုပါပို့ဆောင်ခြင်းခံခဲ့ရပါတယ်။
နယူးကာဆယ်ကစားသမားဟောင်းဟာရာသီကုန်မှာပီအက်ဂျီနဲ့စာချုပ်ကုန်ဆုံးမှာဖြစ်ပြီးလာမည့်ဇန်န၀ါရီမှာအခြားကလပ်နဲ့ကြိုတင်စာချုပ်ချုပ်ခွင့်ရှိနေပြီး ပဲရစ်ကလပ်အနေနဲ့ဇန်န၀ါရီမှာဘန်အာဖာကိုအပြတ်ရောင်းထုတ်သွားမလားဆိုတာကိုစောင့်ကြည့်သွားရမှာဖြစ်ပါတယ်။
Source : Sports Myanmar